१०० कोटींना विकला १ रुपयाचा टिश्यू पेपर
अमिताभ बच्चन यांनी केबीसीच्या सेटवर पोहोचलेल्या शार्क टँक इंडिया सीजन २ च्या जजेस समोर आपलं बिजनेस मॉडेल सादर केलं. शोच्या प्रमोमध्ये बिग बी आपल्या हातात टिश्यू पेपरचा एक बॉक्स घेऊन येतात आणि खास अंदाजात जजेससमोर तो सादर करतात. बिग बी पूर्ण प्रयत्न करतात, की शार्क त्यांच्या व्यवसायात पैसे लावतील. ‘AB टिश्यूज’ नावाने त्यांनी शार्क टँकला त्यांच्यात गुंतवणूक करण्यास पटवून दिलं. त्यांनी एबी टिश्यूजची खास बाबही सांगितली आणि या खास टिश्यूने ते शोमध्ये हॉट सीटवर पोहोचणाऱ्या महिलांचे अश्रू पुसतात, असंही म्हटलं.
हेही वाचा – आलिया – रणबीरचं क्रिसमस सेलिब्रेशन, कोण-कोण होतं पार्टीला; भट्ट-कपूर कुटुंबीयांचे Inside Photos
अमिताभ बच्चन यांनी शार्क टीमसमोर आपलं बिजनेस मॉडेल मांडलं. त्यांनी बॉक्समधून एक टिश्यू काढला आणि त्याचं वैशिष्ट्य ते सांगू लागले. नवीन व्यवसायाबद्दल सांगताना ते म्हणाले, की तुमच्यापैकी कोणीतरी या व्यवसायात पैसे गुंतवावेत. शार्क टीमनेही त्यांच्या प्रोडक्टबाबत सवाल केले. त्यानंतर बिग बींनी संधी मिळताच टिश्यू पेपर बिजनेससाठी १०० कोटींची गुंतवणूक मागितली. बिग बींचा हा अंदाज अनेकांच्या पसंतीस उतरला आहे.
हेही वाचा – तुनिषा शर्माआधी या कलाकारांनीही मृत्यूला कवटाळलं, लहान वयातच संपवलं आयुष्य
काय आहे शार्क टँक इंडिया?
शार्क टँक इंडिया एक रिॲलिटी शो आहे. ज्यात लोक आपल्या स्टार्टअप आयडियासह येतात. या शोचे जज त्या व्यक्तीच्या बिजनेस आयडियाने प्रभावित झाले, तर ते त्या व्यक्तीच्या बिजनेसमध्ये गुंतवणूक करतात. या शोचा दुसरा सीजन २ जानेवारीपासून सुरू होणार आहे. या शोचे अमित जैन, विनिता सिंह, पियूष बन्सल, अमन गुप्ता, अनुपम मित्तल आणि नमिता थापर जज आहेत.