घटस्फोटाच्या चर्चेदरम्यान मानसी नाईकचा देवाकडे धावा; म्हणाली- अशक्यही शक्य करतील स्वामी


मुंबई: मराठी अभिनेत्री मानसी नाईक सध्या तिच्या घटस्फोटासंदर्भातील बातम्यांमुळे विशेष चर्चेत आली आहे. गेल्यावर्षी जानेवारीमध्ये मानसी आणि प्रदीप खरेरा यांचे लग्न झालेले आणि काहीच महिन्यात त्यांनी घटस्फोटाचा निर्णय घेतल्याने अनेकांच्या भुवया उंचावल्या. एकीकडे लग्नानंतर काहीच महिन्यात घटस्फोट घेत असल्यामुळे मानसीला सोशल मीडियावर ट्रोल करण्यात आले आणि दुसरीकडे तिचे चाहते तिच्या बाजुनेही उभे राहिले. मानसी आणि प्रदीप वेगळे होत असल्याचे वृत्त समोर आल्यानंतर त्यांनी केलेल्या प्रत्येक पोस्टची चर्चा होते. आताही अभिनेत्रीने शेअर केलेली इन्स्टाग्राम स्टोरी लक्ष वेधून घेणारी ठरली.

हे वाचा-सुलोचना चव्हाण यांना मिळणार होता जीवनगौरव पुरस्कार; त्याच दिवशी माईंवर काळाचा घाला

मानसी आणि प्रदीप यांनी विभक्त होण्याचा निर्णय घेतल्यानंतरही अभिनेत्री सोशल मीडियावर सक्रिय आहे. आगामी प्रोजेक्ट आणि नव्या फोटोशूटसंदर्भातील विविध पोस्टही तिने या काळात शेअर केल्यात. आता मानसीने तिच्या इन्स्टाग्राम स्टोरीमध्ये एक व्हिडिओ शेअर केलाय ज्यात ती श्री स्वामी समर्थांची प्रार्थना करते आहे. अभिनेत्रीने शेअर केलेल्या व्हिडिओत तिने एका वहीवर असंख्यवेळा ‘श्री स्वामी समर्थ’ असे लिहिले आहे. स्वामींच्या मूर्तीची पूजाही केल्याचे या व्हिडिओत दिसते. या व्हिडिओच्या बॅकग्राउंडमध्ये ‘अशक्यही शक्य करतील स्वामी’ या श्लोकाच्या ओळी ऐकायला मिळातात.

मानसी ही स्वामीभक्त आहे. तिने याहीआधी श्री स्वामी समर्थांबाबत काही पोस्ट शेअर केल्यात. या सर्व इन्स्टाग्राम स्टोरी तिने तिच्या प्रोफाइलमध्ये हायलाइट करून ठेवल्या आहेत. ही लेटेस्ट पोस्टही मानसीने हायलाइट केली असून तिच्या प्रोफाइलमध्ये ती पाहता येईल.

हे वाचा-लीक MMS व्हिडिओ ते कॉमेडियनसोबत अफेअरच्या चर्चा; गुगलवर का सर्वाधिक सर्च झाली अंजली अरोरा?

‘वाट बघतोय रिक्षावाला’, ‘बाई वाड्यावर या’ या गाण्यांमुळे मानसीने मोठा चाहतावर्ग कमावला. प्रेक्षकांमध्ये मानसीच्या लग्नाचीही विशेष चर्चा झालेली. मानसी-प्रदीपच्या रोमँटिक सोशल मीडिया पोस्ट अनेकदा व्हायरल झाल्यात. लग्नाआधी दोघे दीर्घकाळ लिव्ह इन रिलेशनशिपमध्येही होती. असे असताना मानसीने अचानक घटस्फोटाचा निर्णय घेतल्याने या चाहत्यांना मोठा धक्का बसला.

प्रसिद्धी तसंच पैसा मिळवण्यासाठी प्रदीपने मानसीशी नातं जोडल्याचा खळबळजनक आरोप मानसीने एका मुलाखतीच्या माध्यमातून केलेला. प्रदीपने मात्र या प्रकाराबाबत मौन बाळगले असून त्याची स्पष्ट अशी कोणतीच प्रतिक्रिया समोर आली नाही. मात्र त्याने सूचक इन्स्टाग्राम पोस्ट करत मानसीवर निशाणा जरूर साधला आहे.



Source link

Leave a Reply