आज ९ डिसेंबर २०२२ रोजी केदार यांनी इन्स्टाग्रामवर स्टोरी पोस्ट करत आपलं फेसबूक अकाउंट हॅक झाल्याचं म्हटलं होतं. त्यांनी सगळ्यांना सतर्क राहण्याचं आवाहन केलं होतं. मेसेज आल्यास उत्तर न देण्याबद्दलही त्यांनी विनंती केली होती. मात्र आता फेसबूकनंतर त्यांचं इन्स्टाग्राम अकाउंटदेखील हॅक करण्यात आलं आहे. सायंकाळच्या सुमारास त्यांच्या इन्स्टाग्राम अकाउंटवर एका अज्ञात व्यक्तीने फोटो शेअर केले होते. त्यानंतर नेटकऱ्यांनी केदार यांचं अकाउंट हॅक झालं आहे का? अशा प्रतिक्रिया द्यायला सुरुवात केली. आता अज्ञात व्यक्तीकडून केदार यांच्या अकाउंटवरचे सगळे फोटो डिलिट करण्यात आले आहेत. हॅकरने त्यांचे सगळे फोटो डिलिट करून त्याचे तीन फोटो अकाउंटवर शेअर केले आहेत. सोबतच इन्स्टाग्राम बायोमध्ये अरेबिक भाषेत एक मेसेजही लिहिला आहे.
या मेसेजमध्ये हॅकरने लिहिलं, ‘हे देवा, जहरासाठी मी तुझ्याकडे आरोग्य मागतो.’ जहरा हे मुख्यतः मुस्लिम किंवा अरेबिक भाषेतलं नाव आहे. केदार यांच्याकडून याबद्दल अद्याप कोणतीही प्रतिक्रिया आलेली नाही.