अभिषेकने शेअर केलेली इन्स्टाग्राम स्टोरी जिनिलियानेही तिच्या इन्स्टास्टोरीमध्ये पोस्ट केली आहे. यामध्ये अभिषेकने असे लिहिले आहे की, ‘हे खूप कमाल आहे. रितेश आणि जिनिलिया खूप छान! खूप खूप आनंद झाला. #Vedhit’. अभिषेकची ही पोस्ट शेअर करताना जिनिलियाने असे लिहिले की, ‘धन्यवाद अभिषेक बच्चन. तू माझ्या आणि रितेशच्या पाठीशी कायमच होतास. खरंच मी हे बोलायचं म्हणून बोलत नाही आहे, आपण दररोज याविषयी चर्चा केली आहे.’
हे वाचा-Ved Box Office Collection: बाबो! ‘वेड’ची आतापर्यंतची सर्वाधिक कमाई; ब्लॉकबस्टर ठरतोय रितेश देशमुखचा सिनेमा
अभिषेकने शेअर केलेल्या स्टोरीमध्ये रितेश-जिनिलियाचा एक ‘वेड’ सिनेमातील फोटो आहे. ज्यावर ‘वेड’चे पहिल्या आठवड्यातील बॉक्स ऑफिस कलेक्शन नमुद करण्यात आले आहे. पहिल्याच आठवड्यात वेडने २०.६७ कोटींचा गल्ला जमवला होता. केवळ अभिषेकच नव्हे बॉलिवूडमधील अनेक दिग्गज कलाकार, चित्रपट समीक्षक मराठमोळ्या ‘वेड’चे कौतुर करत आहेत.
‘वेड’ची आतापर्यंतची कमाई
पहिला दिवस (शुक्रवार, ३० डिसेंबर)- २.२५ कोटी
दुसरा दिवस (शनिवार, ३१ डिसेंबर)- ३.२५ कोटी
तिसरा दिवस (रविवार, ०१ जानेवारी)- ४.५० कोटी
चौथा दिवस (सोमवार, ०२ जानेवारी)- ३.०२ कोटी
पाचवा दिवस (मंगळवार, ०३ जानेवारी)- २.६५ कोटी
सहावा दिवस (बुधवार, ०४ जानेवारी)- २.५५ कोटी
सातवा दिवस (गुरुवार, ०५ जानेवारी)- २.४५ कोटी
आठवा दिवस (शुक्रवार, ०६ जानेवारी)- ०२.५२ कोटी
नववा दिवस (शनिवार, ०७ जानेवारी)- ४.५३ कोटी
एकूण कमाई- २७.७२ कोटी