माजी मुख्यमंत्र्यांच्या नातवासोबत सीक्रेट हॉलिडेसाठी जान्हवी कपूर मालदीवमध्ये? ब्रेकअपच्या झालेल्या चर्चा


मुंबई: बॉलिवूड अभिनेत्री जान्हवी कपूर सध्या मालदीवमध्ये सुट्टी घालवत आहे. जान्हवीने तिच्या इन्स्टाग्राम अकाउंटवर तिच्या या जबरदस्त हॉलिडेचे फोटो शेअर केले. अभिनेत्रीने शेअर केलेल्या लेटेस्ट फोटोमध्ये तिने पांढऱ्या रंगाचा डीपनेक ड्रेस परिधान केला असून जान्हवीचा हॉट अंदाज या फोटोत पाहायला मिळाला. जान्हवीने तीन फोटो शेअर केले आहेत. या तिन्ही फोटोंमध्ये तिची अतिशय ग्लॅमरस स्टाईल पाहायला मिळाली. अभिनेत्रीचे हे फोटो चाहत्यांना आवडले असले तरी यानंतर एका वेगळ्याच गोष्टीची चर्चा सुरू झाली.

जान्हवीने जेव्हा हे फोटो सोशल मीडियावर शेअर केले, त्याचवेळी शिखर पहाडियानेही समुद्र किनाऱ्याचा फोटो शेअर केला. जान्हवीने आणि शिखर दोघांनीही शेअर केलेल्या फोटोत चंद्र-चांदणं तर आहेच शिवाय दोन्ही फोटोत सारखंच आकाश पाहायला मिळालं. जान्हवी-शिखर यांच्या फोटोतील हे साम्य पाहता युजर्सचा असा अंदाज आहे की हे दोघेही एकत्र असावेत. यानंतर सोशल मीडियावर जान्हवी आणि शिखर पुन्हा एकदा एकत्र आले असावेत अशा प्रतिक्रिया उमटल्यात. काही महिन्यांपूर्वी त्यांच्या डेटिंगची आणि त्यानंतर ब्रेकअपची चर्चा रंगलेली.


कोण आहे शिखर पहाडिया?

शिखर पहाडिया हा महाराष्ट्राचे माजी मुख्यमंत्री सुशील कुमार शिंदे यांचा नातू आहे. सोशल मीडियावरही तो विशेष सक्रिय आहे. त्याने काही तासापूर्वी त्याने समुद्राजवळील हा फोटो शेअर केल्यानंतर जान्हवी आणि त्याच्या रिलेशनशिपची चर्चा पुन्हा एकदा रंगली. काही महिन्यांपूर्वी असे समोर आलेले की तो जान्हवीला डेट करत होता. मात्र काही काळाने त्यांच्या ब्रेकअपचेही वृत्त समोर आले. कॉफी विथ करण ७ मध्येही जान्हवीने या नात्याविषयी कुणाचेही नाव न घेता भाष्य केले होते. दरम्यान हे दोघे अनेकदा मुंबईत एकत्र स्पॉट झालेत.

जान्हवी कपूरने पोस्ट केलेला फोटो आणि शिखर पहाडियाची इन्स्टाग्राम स्टोरी

आता या फोटोंनंतर हे दोघेही एकत्र असल्याची चर्चा पुन्हा एकदा होतेय आणि जान्हवी लपूनछपून एक्स बॉयफ्रेंडसोबत सुट्टीसाठी गेल्याचेही बोलले जाते आहे. दोघांनीही एकमेकांना कोणत्याही फोटोत टॅग केलेले नाही. मात्र दोन्ही फोटोतील साम्य पाहता अनेकांच्या भूवया उंचावल्या.

‘गुड लक जेरी’, ‘मिली’ने मिळवली प्रेक्षकांची वाहवा

अभिनेत्री जान्हवी कपूरच्या वर्कफ्रंटबद्दल बोलायचे झाल्यास ती अलीकडेच ‘मिली’ आणि ‘गुड लक जेरी’ सिनेमात दिसलेली. या दोन्ही सिनेमांचे प्रेक्षकांनी कौतुक केले. मिलीमध्ये तिने अभिनेता सनी कौशलसोबत स्क्रिन शेअर केलेली तर गुड लक जेरीमध्ये दीपक डोबरियालसह ती मुख्य भूमिकेत दिसली. हे दोन्ही चित्रपट ओटीटीवर प्रदर्शित झाले आहेत.





Source link

Leave a Reply