तुनिषाच्या आईने यापूर्वी पवन शर्मा आणि वकिलासोबत पत्रकार परिषद घेतली होती. यामध्ये त्यांनी अनेक आरोप केले होते. आता आणखी एका वृत्तवाहिनीला दिलेल्या मुलाखतीत स्टुडिओमध्येही त्यांनी तुनिषा आणि शीझान खानबद्दल अनेक धक्कादायक गोष्टी सांगितल्या. तसेच व्हॉईस नोटही ऐकवली. त्यांनी एक व्हाट्सअप चॅट दाखवलं, ज्यामध्ये तुनिषाने तिच्या मृत्यूच्या तीन दिवस आधी तिच्या आईला व्हॉईस नोट पाठवली होती.
काय होता तिचा मेसेज?
तुनिषाच्या आईने दाखवलेल्या चॅट्समध्ये २१ डिसेंबरच्या रात्री १ वाजून ६ मिनिटांनी अभिनेत्रीने आईला आय लव्ह यू , खूप थँक यू आई असा मेसेज केला आहे. मग आईने एका मिनिटाने त्यावर उत्तर देत लिहिलं, मी पण तुझ्यावर प्रेम करते. तू निघालीस? कुठे आहेस? यावर तुनिषाकडून कोणतीही प्रतिक्रिया आली नाही पण मेसेज तिने पाहिला होता. कारण मेसेजला ब्लू टिक आली होती. त्यानंतर त्याच दिवशी सकाळी तुनिषाच्या आईने तिला त्यांच्या कुत्र्यासोबतचे चार फोटो पाठवले. जे पाहून तुनिषा खुश झाली होती.
तुनिषाची व्हॉइस नोट
त्यानंतर तुनिषाने ताबडतोब एक व्हॉइस मेसेज पाठवत आईला म्हटलं, ‘आई मी तुला सांगू नाही शकत मी तुझ्यावर किती प्रेम करते. आय लव्ह यू आई. तू माझ्यासाठी जे सहजपणे करतेस ना आई कधीकधी… मी तुझ्यावर खूप प्रेम करते आई. मी लवकरच घरी येईन आणि तुझ्या मांडीवर डोकं ठेऊन झोपेन. आपण एकत्र झोपू हा आई. ठीक आहे. ओके. लव्ह यू.’ वनिता यांनी आपल्या मुलीची ही रेकॉर्डिंग सगळ्यांसमोर उघड केली आहे. त्यामुळे आता नवीन प्रश्न उपस्थित झाले आहेत.