प्राजक्ताच्या कार्यक्रमासाठी राज ठाकरेंसोबत त्यांच्या पत्नी शर्मिला ठाकरे यांनीही उपस्थिती लावली होती. कार्यक्रमात त्या दोघांचाही सत्कार करण्यात आला. प्राजक्ताने राज यांचा सत्कार जिरेटोप देऊन केला तर तिने शर्मिला यांचा सत्कार तुळस देऊन केला. मात्र हे करत असताना तिने अशी एक गोष्ट केली जी पाहून नेटकरीही तिचं कौतुक करण्यावाचून स्वतःला अडवू शकलेले नाहीत. शर्मिला यांना तुळस भेट देताना प्राजक्ताने मंचाच्या एका बाजूला आधी पायातल्या चपला काढून ठेवल्या आणि मगच तिने ती तुळस देऊन त्यांचा सन्मान केला. तिने आपल्या एका कृतीतून तुळशीचं पावित्र्य राखलं. कुणीही पाहत नसताना देखील प्राजक्ताने तुळस देण्यापूर्वी चपला काढल्या हे पाहून नेटकरीही तिचं कौतुक करत होते.
प्राजक्ताने ज्वेलरी ब्रॅण्ड सोबतच आपल्या या छोट्याशा वागणुकीने प्रेक्षकांची मनं जिंकली. त्यामुळेच चाहत्यांनी तिच्यावर कौतुकाचा वर्षाव केला. राज ठाकरे आणि शर्मिला ठाकरे यांनीही प्राजक्ताच्या पुढील वाटचालीसाठी तिला शुभेच्छा दिल्या. प्राजक्ताचं हे पुढचं पाऊल पाहून चाहतेही आनंदित झाले आहेत.