३० व्या वाढदिवसाला मिळालं अनोखं गिफ्ट
४ डिसेंबरला दिव्या अग्रवाल तिचा ३० वा वाढदिवस तिच्या मित्र- परिवारासोबत साजरा करत होती. दरम्यान, अपूर्व पाडगांवकरने तिला फिल्मी अंदाजात प्रपोज केलं. त्यानंतर उपस्थित लोकांच्या आनंदाला पारावार उरला नाही. इतकंच नाही तर दिव्याही लाजेने लाल झाली. यावेळी उपस्थितांच्या नजरा त्यांच्यावर खिळल्या होत्या. या पार्टीचे फोटो आणि व्हिडिओ सोशल मीडियावर व्हायरल होत आहेत. खुद्द अभिनेत्रीनेही या क्षणांचे काही फोटो इन्स्टाग्रामवर शेअर केले आहे. एकात ती आणि अपूर्व एकमेकांना मिठी मारत आहेत आणि दुसऱ्यामध्ये अपूर्व अभिनेत्रीच्या कपाळाचं चुंबन घेत आहेत. तिसर्‍या फोटोत, दिव्या तिची अंगठी फ्लॉंट करत आहे आणि चौथा फोटो फक्त तिच्या अंगठीचा आहे, त्यावर बायको लिहिलं आहे.
दिव्या अग्रवालच्या गुड न्यूजने सेलिब्रिटींना बसला धक्का
अभिनेत्रीने कॅप्शनही लिहिले की ‘माझं हसू कधी थांबेल का? कदाचित नाही आणि मला हा प्रवासाचा सोबत सापडला आहे. त्याने मला कायमचे #BaiCo करण्याचं वचन दिलं आहे. या खास दिवसापासून आता मी कधीही एकटी असणार नाही.’ ही पोस्ट समोर येताच लोकांनी त्यांचं अभिनंदन करण्यास सुरुवात केली. पवित्रा पुनिया, शेफाली बाघा, अक्षरा सिंग, सना मकबूल, आरती सिंग, शार्दुल पंडित, प्रगती मेहरा, अश्नूर कौर आदींनी तिला मनापासून शुभेच्छा दिल्या.
अपूर्व पाडगांवकरने दिव्याला केलं प्रपोज
व्हायरल व्हिडिओमध्ये अपूर्व दिव्याला स्टेजवर सांगतो, ‘फक्त कुटुंबाने ही परवानगी दिली आहे. मी तुला विचारू इच्छितो की मी या कुटुंबाचा भाग होऊ शकतो का? ती मला कोको म्हणते. तुला कोकोची बायको व्हायला आवडेल का? असे म्हणताच तो जमिनीवर गुडघे टेकून बसतो. यावर दिव्या आनंदाने मान हलवत हो बोलते आणि त्याच्या लग्नाच्या प्रस्तावाचा स्वीकार करते आणि मग दोघेही एकमेकांना घट्ट मिठी मारतात.
कोण आहे अपूर्व पाडगांवकर?
अपूर्व पाडगांवकर इंजिनिअर आहे. त्याने एमबीएही केले आहे. तो एक व्यावसायिक असून तो रेस्तराँचा मालक आहे. त्याचे मुंबईत चार रेस्तराँ आहेत. वाशीत ‘द टाइट पब’ आणि ‘सॉय स्ट्रीट’ ही दोन रेस्तराँ आहेत तर वांद्र्यात लेमन लीफ आणि येलो टँग नावाने रेस्तराँ आहेत. इन्स्टाग्रामवरही तो सक्रिय असून त्याचे ५६.७ हजार फॉलोवर आहेत. त्याला कुत्र्यांची खूप आवड आहे. या सर्व गोष्टी त्याने आपल्या इन्स्टाग्राम बायोमध्ये लिहिल्या आहेत. याशिवाय, तो महिलांसाठी मास्टर क्लासही घेतो. ज्यामध्ये ते स्वयंपाक करण्यापासून पेंटिंगपर्यंतच्या अनेक अॅक्टिव्हिटी शिकवतो.