सलमान खानच्या सिनेमातून केला होता डेब्यू
नगमा यांचे खरे नाव नंदिता अरविंद मोरारजी आहे. आईच्या सांगण्यावरून त्यांनी अभिनय क्षेत्रात प्रवेश केला. १९९० साली त्यांनी सलमान खानच्या बागी: अ रिबेल फॉर लव्ह या चित्रपटातून बॉलिवूडमध्ये पदार्पण केले. हा चित्रपट त्या वर्षातील सर्वाधिक कमाई करणारा सातवा चित्रपट ठरला. हिट पदार्पणानंतर नगमा यांना अनेक सिनेमांच्या ऑफर मिळत होत्या. पण त्या वैयक्तिक आयुष्यामुळे सर्वाधिक चर्चेत आल्या. भारतीय क्रिकेट संघाचे माजी कर्णधार सौरव गांगुली यांच्याशी त्यांचे नाव जोडले गेले होते.
अफेअरच्या चर्चा
मीडिया रिपोर्टनुसार, नगमा आणि सौरव यांच्या अफेअरची चर्चा तेव्हापासून सुरू झाली जेव्हा १९९९ साली झालेल्या वर्ल्डकपदरम्यान त्यांची भेट झाली. यानंतर दोघे अनेकदा एकत्र दिसले होते. त्यावेळी सौरव यांचे लग्न झालेले होते. मात्र नगमा आणि त्यांच्यात प्रेमप्रकरणही फुलू लागले होते. त्यांनी ही बाब जगापासून लपवून ठेवण्याचाही प्रयत्न केला.
वर्ल्डकपदरम्यान झाली पहिली भेट
१९९९ सालानंतर अनेकदा याविषयी मीडिया रिपोर्टमध्ये याविषयी वृत्त समोर आले आहे. एकदा या दोघांना मंदिरात एकत्र स्पॉट करण्यात आले आणि ही बाब वाऱ्याच्या वेगाने पसरली. त्यांच्या अफेअरचा किस्सा क्रिकेटरची पत्नी डोना यांच्याही कानावर पडला. अर्थातच या बातम्यांच्या त्यांच्या वैवाहिक जीवनावर परिणाम होऊ लागला होता. चर्चा तर होणारच होती कारण डोनाशीही सौरव गांगुली यांनी प्रेमविवाह केलेला आणि तोदेखील घरच्यांच्या विरोधात जाऊन! १९९७ साली सौरव यांनी त्यांची बालपणीची मैत्रिण डोनाशी लग्न केलेले. त्यांनतर काहीच वर्षात नगमा आणि सौरव यांच्या नात्याच्या चर्चा रंगल्या.
घटस्फोटापर्यंत पोहोचलेले प्रकरण
मीडिया रिपोर्टनुसार असे समोर आले होते की डोना आणि सौरव यांच्यातील कटूता इतकी वाढली की हे प्रकरण घटस्फोटापर्यंत पोहोचले होते. मात्र सौरव यांनी हे प्रकरण सांभाळले. डोनानेही सौरव आणि नगमा यांच्या अफेअरचे वृत्त फेटाळले आणि मीडिया असे सांगितले होते की त्यांच्यात असे काहीच नाही आहे. दरम्यान नगमा-सौरव यांच्या ब्रेकअपच्या चर्चेनंतर नगमा यांची एक मुलाखत चर्चेत आली होती.
मुलाखतीत काय म्हणालेल्या नगमा?
२००३ साली Savvy नावाच्या मासिकाला दिलेल्या मुलाखतीत नगमा यांनी सौरवचे नाव न घेता म्हटले होते, ‘कोणी काहीही म्हणो, परंतु कोणीही काहीही नाकारले नाही. जोपर्यंत एकमेकांच्या आयुष्यात एकमेकांचे अस्तित्व नाकारता येत नाही तोपर्यंत कोणीही काहीही बोलू शकते. इतर गोष्टींबरोबरच एखाद्याचे करिअर पण धोक्यात आले होते. म्हणूनच कधीतरी ते वेगळे व्हायचेच होते’. त्यांनी पुढे असेही म्हटलेले की, ‘एकमेकांसोबत राहण्याचा हट्ट आणि इगो याव्यतिरिक्तही काही गोष्टींचा विचार करावा लागतो. मोठ्या गोष्टींसाठी छोट्या गोष्टींचा त्याग करावा लागतो.’
क्रिकेटरच्या खराब फॉर्मसाठीही धरले नगमा यांना जबाबदार
नगमा यांनी पुढे म्हटलेले की, ‘ज्या व्यक्तीच्या आयुष्यात तुम्हाला आनंद घेऊन आले पाहिजे, त्या व्यक्तीच्या आयुष्यात तुम्ही दु:खाचे कारण बनता. त्यामुळे मुव्ह ऑन करणेच योग्य आहे.’ नगमा यांनी या मुलाखतीत सांगितले होते की सौरव यांच्या खराब फॉर्मसाठीही त्यांना जबाबदार ठरवले गेले.