काय घडला प्रकार? नववर्षाच्या शुभेच्छा देताना केतकीने सोशल मीडियावर केलेल्या पोस्टमध्ये केतकीने तिच्या हातावर काढलेला एक टॅटू दाखवला आणि त्यानंतर ‘माफ करा पण कधीही विसरू नका…’ असेही म्हटले. तिने जो टॅटू काढला आहे त्यात ‘१८६/२२’ असे इंग्रजी अंकात लिहिले आहे. हा नंबर तिचा कैदी नंबर होता, जेव्हा अभिनेत्रीला तुरुंगाची हवा खावी लागलेली. दरम्यान या व्हिडिओत ती एक पेय पितानाही दिसली. केतकीच्या व्हिडिओवर आक्षेप घेणारी कमेंट एका युजरने केली आहे.
हे वाचा-केतकी चितळेने काढला शरद पवारांशी थेट कनेक्शन असणारा टॅटू; काय आहे अर्थ?
केतकीने हा व्हिडिओ शेअर करताना असेही लिहिले की, ‘फादर, ते जे काही करत आहेत याची याबाबत त्यांना माहीत नसल्याने त्यांना माफ कर’. यानंतर ती पुढे म्हणाली की, ‘मी कट्टर सनातन हिंदू आहे पण याचा अर्थ असा नव्हे की बाकी सर्व १००% चुकीचे आहेत.’
संबंधित युजरने केतकीच्या व्हिडिओवर लिहिले की, ‘हिंदू आहेस ना, मग न्यू इअरला हिंदू देवाला हात जोडतात… तू दारू पिताना व्हिडिओ का काढतेस… खूप तरुण मुलं तुला फॉलो करत आहेत. काही चांगलं लोकांसमोर ठेव हीच अपेक्षा. हॅप्पी न्यू इयर.’ ही कमेंट वाचून केतकीचा राग अनावर झाला आणि तिनेही कमेंट केली. केतकीने असे लिहिले की, ‘हे ग्रेगोरियन नववर्ष आहे. पंचांगानुसार नवीन वर्ष नाही. अर्थात तुमच्या पिढीला हा साधा फरक माहीत असण्याची अपेक्षा ठेवणं हा माझा मूर्खपणा आहे.’ या कमेंटच्या सुरुवातीला तिने एक शिवीही दिली आहे.
हे वाचा-उर्फीवर होणार पोलीस कारवाई? चित्रा वाघ आक्रमक; म्हणाल्या- ‘स्त्री देहाचा बाजार रोखा’
शरद पवारांवर आक्षेपार्ह पोस्ट शेअर केल्यानंतर केतकीला तुरुंगवारी करावी लागली होती. गेल्यावर्षी मे महिन्यात घडलेल्या घटनेनंतर केतकी विशेष चर्चेत आहे. हिंदू सनातन धर्म, epilepsy या विषयांवर ती परखड मतं मांडते. त्याचप्रमाणे टीका करणाऱ्यांना चोख उत्तर द्यायलाही ती मागेपुढे पाहत नाही. मात्र आता केतकीने केलेली कमेंट तिच्या फॉलोअर्सनाही पटलेली नाही, तर काहींनी तिला पाठिंबा दिला आहे. कमेंट सेक्शनमध्ये केतकी आणि त्या युजरमध्ये शाब्दिक युद्ध रंगल्याचेही पाहायला मिळाले.