अक्षया आणि हार्दिक यांचा लग्नातील लूक पाहून चाहते आनंदी झाले होते. त्यांचा मराठमोळा लूक पाहून नेटकरी त्यांचं प्रचंड कौतुक करत होते. आता त्यांचा लग्नानंतरचा पहिलाच फोटो चाहत्यांसमोर आला आहे. हा फोटो अक्षयाने तिच्या इंस्टास्टोरीवर शेअर केला आहे. या फोटोत ती आणि हार्दिक दोघेही दिसत आहेत. फोटोत अक्षयाने हिरव्या रंगाची साडी घातली आहे. तिने गळ्यात मोठं आणि छोटं अशी दोन्ही मंगळसूत्र परिधान केली आहेत. तर सोबत एक चोकरदेखील घातला आहे. नाकात नथ घालून ती खूप सुंदर दिसत आहे. तर हार्दिकने बारीक नक्षीकाम असलेला कुरता घातला आहे. या लूकमध्ये ते दोघेही खूप सुंदर दिसत आहेत.
हार्दिकने त्यांचा याच लूकमधला गाडीतला फोटोही शेअर केला आहे. व्हिडिओ कॉलवर बोलत असतानाचा हा फोटो असून ते गाडीत बसलेले दिसत आहेत. चाहते त्यांच्या फोटोंवर भरभरून प्रतिसाद देत आहेत. सोबतच हार्दिक आणि अक्षयाला त्याच्या सुखी संसारासाठी आशीर्वादही देत आहेत. हार्दिक आणि अक्षया यांची पहिली भेट ही ‘तुझ्यात जीव रंगला’ या मालिकेच्या सेटवर झाली होती. तिथून सुरू झालेली ही हटके लव्ह स्टोरी आता लग्नापर्यंत पोहोचली. नेटकरी आता त्यांना पुढील आयुष्यासाठी सदिच्छा देत आहेत.