अरहानला घट्ट मिठी मारतात मलायका- अरबाज
विमानतळातून बाहेर येणाऱ्या अरहानला पाहून मलायका अरोरा (Malaika Arora) पुढे जाते आणि त्याला मिठी मारते. त्यानंतर अरबाज त्याला मिठी मारतो. दोघंजण अरहानचं भरभरून कौतुक करतात. तिघांच्या चेहऱ्यावर आनंद दिसत आहे. तिघंजण गाडीच्या दिशेने चालू लागतात. तेव्हा अरहान त्याच्या वडिलांच्या खांद्यावर हात ठेवताना दिसतोय तर कधी मलायका त्याच्यावर प्रेमाचा वर्षाव करताना दिसत आहे.
संसार मोडण्याला अर्जुनला मानलं दोषी
हा व्हिडिओ पाहिल्यानंतर नेटकऱ्यांनी विविध प्रकारच्या प्रतिक्रिया व्यक्त केल्या आहेत. काहींनी या आनंदी कुटुंबाला विभक्त केल्याबद्दल अर्जुन कपूरला दोषी ठरवलं आहे. तर काहींनी या तिघांनी जे झालं ते विसरून पुन्हा एकत्र यावं असं मत व्यक्त केलं आहे. तर आणखी एका युझरनं लिहिलं की, ‘अरहानसाठी वाईट वाटत आहे. कारण यामध्ये त्याची काहीच चूक नाही.’
अरहान फिल्म मेकिंगचं घेतोय शिक्षण
तर अन्य एका युझरनं लिहिलं की, ‘मुलाचं मन खूप मोठं आहे…’ तर अनेक नेटकऱ्यांनी मलायकावर टीका केली आहे. २० वर्षांचा अरहान अमेरिकेत फिल्म मेकिंगचा अभ्यासक्रम शिकत आहे. काही दिवसांपूर्वी अरबाजनं सांगितलं होतं की, अरहान डिसेंबरमध्ये परत येत आहे. आल्यानंतर तो पटना शुक्ला या सिनेमाच्या चित्रीकरणामध्ये त्याच्याबरोबर सहभागी होणार आहे.
१८ वर्षांनंतर मोडला संसार
मलायका आणि अरबाजची पहिली भेट एका जाहिरातीच्या सेटवर झाली होती. त्यानंतर या दोघांनी एकमेकांना डेट करायला सुरुवात केली आणि १९९८ मध्ये लग्न केलं. लग्नाानंतर १८ वर्षांनी त्यांनी विभक्त होण्याचा निर्णय घेतला आणि २०१७ मध्ये त्यांचा घटस्फोट झाला. या दोघांना अरहान हा मुलगा आहे. अरहानचा जन्म २००२ मध्ये मुंबईत झाला. सध्या अरहान मलायकासोबत राहतो.
२०१६ मध्ये झाला घटस्फोट
मलायका २०१६ पासून अर्जुन कपूरला डेट करत आहे. तर अरबाजदेखील जॉर्जिया एंड्रायानीबरोबर रिलेशनमध्ये आहे. दरम्यान, मलायका अरोरानं मूव्हिंग इन विथ मलायका या कार्यक्रमाद्वारे ओटीटीवर पदार्पण केलं आहे. हा कार्यक्रम डिज्ने प्लस हॉटस्टारवरून प्रसारित होत आहे. या कार्यक्रमाचे दोन भाग प्रसारित झाले आहेत. त्यामधून मलायकानं तिच्या व्यक्तिगत आयुष्याबद्दल अनेक खुलासे करत काही गुपितंही सांगतली आहे.