‘द कश्मीर फाइल्स’ चे दिग्दर्शक विवेक अग्निहोत्रींनी ‘पठाण’वर अशी काही प्रतिक्रिया दिली होती की, त्यानंतर वादाला तोडं फुटलं होतं. तसंच त्यांनी दीपिका पादुकोणच्या भगव्या रंगाच्या बिकिनीवरही आक्षेप घेतला होता. पण आता ही टीका त्यांच्यावर उलटताना दिसतेयय. यानंतर नेटकऱ्यांनी त्यांच्यावर प्रचंड टीका केली, त्यांना ट्रोल केलं. पण आता नेटकऱ्यांनी त्यांच्या मुलीचे मल्लिकाचे भगव्या बिकिनीतील फोटो व्हायरल केले आहेत.
सोशल मीडियावर एक फोटो व्हायरल होतोय. या फोटोत अग्निहोत्रींची लेक सुमद्र किनारी मल्लिका भगव्या रंगाच्या बिकिनीत दिसतेय. हा फोटो पाहून नेटकऱ्यांनी अग्निहोत्रींना सुनावलंय. तर आधी स्वत:च्या घरात लक्ष द्या…असा सल्लही दिला आहे.
दरम्यान, विवेक अग्निहोत्रींनी ‘पठाण’मधील ‘बेशरम रंग’ या गाण्यावर थेट प्रतिक्रिया दिली नव्हती, त्यांनी अप्रत्यक्षरित्या गाण्यावर भाष्य केलं होतं. त्यांनी ट्वीटमध्ये कोणाचंही नाव न घेता, ‘पूर्वी इन्स्टा रीलमध्ये बॉलिवूड गाण्यांचा खराब दर्जा दिसायचा आणि आता बॉलिवूड गाणी इन्स्टा रीलच्या खराब दर्ज्याप्रमाणे दिसतात.’ असं म्हटलं होतं.
आता या व्हिडिओनंतर प्रेक्षकांनी अग्निहोत्रींचा पर्दाफाश केला. सोशल मीडियावर असे व्हिडिओ शेअर करत अग्निहोत्रींवर टीका केली जातेय. काही युजर्सनी त्यांच्याच ‘हेट स्टोरी’ चित्रपटाचे टॉपलेस पोस्टर शेअर केले, तर काहींनी त्यांचा एका जुना व्हिडिओ शेअर केला. या व्हिडिओत अग्निहोत्री म्हणतायंत की, जोपर्यंत तुम्ही तुमच्या चित्रपटांमध्ये कामुकता दाखवत नाही तोपर्यंत तुम्ही पूर्ण कलाकार नाही.