दरम्यान या सिनेमाचा खास प्रीमियर आयोजित करण्यात आला होता. यामध्ये मराठी तसंच हिंदी मनोरंजन विश्वातील कलाकारांनी हजेरी लावली होती. हा सिनेमा पाहिल्यानंतर अभिनेत्री सायली संजीव हिनं सोशल मीडियावर पोस्ट शेअर केली आहे. त्यावर जिनिलियानं तिचे हात जोडून आभार मानले आणि तिच्या भावना व्यक्त केल्या आहेत.
हे वाचा-शीझान तिला उर्दू शिकवायचा, ड्रग्जही घ्यायचा… तुनिषाच्या आईचा खळबळजनक दावा
मुंबईत वेड सिनेमाचं स्पेशल स्क्रीनिंग आयोजित केलं होतं. त्याला मराठी मनोरंजन सृष्टीतील अनेक मान्यवर कलाकार उपस्थित होते. त्यात अशोक सराफ, सचिन, सुप्रिया पिळगांवकर,सायली संजीव,जितेंद्र जोशी, सिद्धार्थ जाधव यांसारखे अनेक कलाकार आवर्जून उपस्थित होते. सिनेमा पाहिल्यानंतर सायली संजीव ही खूपच भारावून गेली आणि तिनं सोशल मीडियावर तिच्या भावना व्यक्त केल्या. सायलीनं शेअर केलेल्या पोस्टमधून तिनं रितेश-जिनिलीया यांचं भरभरून कौतुक केलं आहे.
हे वाचा-रितेशच हे करू शकतो! मराठी गाण्याच्या तालावर अख्ख्या बॉलिवूडला नाचवलं; परदेशातही पोहोचलं ‘वेड’
वेडविषयी केलेल्या पोस्टमध्ये सायलीनं रितेश आणि जिनिलियाबरोबरचा तिचा फोटोही शेअर केला आहे. त्याबरोबर पोस्टमध्ये सायलीनं लिहिलं आहे की, ‘वेड… दिग्दर्शन, अभिनय, कॅमेरा, बॅकग्राऊंड, संगीत, अॅक्शन सिक्वेन्स, गाणी यातील प्रत्येक गोष्टीच्या मी प्रेमात पडली आहे. येत्या ३० डिसेंबरला सिनेमा रिलीज होत आहे. प्लीज हा सिनेमा नक्की बघा…’ असं म्हणत सायलीनं या पोस्टमध्ये रितेश, जिनिलिया, अशोक सराफ, निवेदिता सराफ, जितेंद्र जोशी, सिद्धार्थ जाधव, शुभंकर तावडे, प्राजक्त देशमुख यांना टॅग केलं आहे.
सायलीच्या या पोस्टनं जिनिलीयाचं लक्ष वेधूलं. तिने ही पोस्ट तिच्या इन्स्टाग्राम स्टोरीवर शेअर केली आणि ‘खूप खूप धन्यवाद सायली…’ असं लिहित तिनं नमस्काराचा इमोजी पोस्ट केला आहे. जिनिलीयानं प्रतिसाद दिल्यामुळे सायली ही आनंदीत झाली आणि तिनं जिनिलियाची इन्स्टास्टोरी रिपोस्ट केली आहे. दरम्यान केवळ सायलीच नव्हे जिनिलियाने ‘वेड’ सिनेमाचे कौतुक करणाऱ्या विविध पोस्ट तिच्या इन्स्टाग्राम स्टोरीमध्ये शेअर केल्या आहेत.
दरम्यान, वेड सिनेमातील ‘वेड लागलंय’ या गाण्यामध्ये सलमान खान आणि रितेशचा डान्स पाहायला मिळणार आहे. रितेशच्या ४४ व्या वाढदिवशी सलमान खान यानं त्याच्या सोशल मीडियावर या गाण्याचा टीझर शेअर केला होता. हे गाणं सध्या सोशल मीडियावर धुमाकुळ घालत असून रितेशने बॉलिवूडमधील अनेक दिग्गजांसोबत या गाण्यावर रील बनवलं आहे.