या दोघांच्या लग्नसोहळ्यातील फोटो सोशल मीडियावर व्हायरल झाले आहेत. त्या दोघांच्या लग्नसोहळ्यातील फोटो पाहून त्यांचे चाहते अतिशय आनंदित झाले आहेत. या सगळ्या फोटोंमध्ये अक्षया आणि हार्दिकनं भर मांडवात एकमेकांना किस केल्याचा फोटो सोशल मीडियावर खूपच चर्चेत आला आहे.
गेल्या अनेक दिवसांपासून हार्दिक जोशी आणि अक्षया देवधर यांच्या लग्नसोहळ्याची जोरदार चर्चा होती. त्या दोघांचं लग्न कधी,कुठं होणार याची उत्सुकता त्यांच्या चाहत्यांना होती. दोघांच्याही मित्रमंडळींनी आणि परिवारानं दोघांची केळवणं केली. त्याचेही फोटो सोशल मीडियावर व्हायरल झाले होते. इतकंच नाही तर त्या दोघांच्या लग्नपत्रिकेचा फोटोही व्हायरल झाला होता. परंतु हे दोघं नेमके कोणत्या तारखेला लग्न करणार हे मात्र काही दिवस त्यांनी गुलदस्त्यात ठेवलं होतं.
दोघांच्या घरी झालेल्या हळद आणि मेंदी समारंभातील फोटो सोशल मीडियावर व्हायरल झाल्यानंतर त्या दोघांच्या लग्न तारखेचा अखेर उलगडा झाला. अक्षया आणि हार्दिक यांचा शाही विवाहसोहळा आज, म्हणजे २ डिसेंबर रोजी पुण्यात अत्यंत थाटामाटात होत आहे. प्रेक्षकांच्या लाडकी जोडी असलेला राणादा-पाठकबाईंनी आता त्यांच्या आयुष्यातील एका नवीन पर्वाला आप्तस्वकीयांच्या शुभेच्छांसह प्रारंभ केला आहे.
या शाही विवाहसोहळ्याचे फोटो सोशल मीडियावर व्हायरल झाले आहेत. त्यातील दोन फोटोंनी नेटकऱ्याचं लक्ष वेधून घेतलं आहे. यातील एका फोटोमध्ये भर मांडवातच हार्दिक सगळ्यांसमोर अक्षयाला किस करताना दिसत आहे.
तर दुसऱ्या फोटोमध्ये मांडवामध्येच हार्दिकला हार घातल्यानंतर अक्षया त्याला किस करताना दिसत आहे. या दोघांचे हे फोटो सोशल मीडियावर खूपच चर्चेत आले आहेत. लग्नासोहळ्यासाठी अक्षयानं खास हातमागावर विणलेली लाल रंगाची नऊवारी पैठणी साडी नेसली आहे. तर हार्दिकही पारंपरिक वेशभूषेत अतिशय देखणा दिसत आहे.
अक्षय आणि हार्दिकच्या लग्नसोहळ्यासाठी मराठी मनोरंजन विश्वातील अनेक कलाकार आवर्जून उपस्थित होते. गेल्या अनेक दिवसांपासून प्रेक्षकांच्या या लाडक्या जोडीच्या लग्नाची जोरदार चर्चा होती. अखेर या दोघांचं लग्न थाटामाटात पार पडलं आहे. या दोघांवर त्यांचे चाहते शुभेच्छांचा वर्षाव करत आहेत.