सलमान खानवर केला होता आरोप
बिग बॉसच्या घरात सोफियानं खूप गदारोळ घातला होता. ती बिग बॉसच्या घरात असताना अरमान कोहलीबरोबर झालेलं तिचं भांडण खूपच गाजलं होतं. एका टास्कमध्ये त्या दोघांमध्ये भांडण झालं. हे भांडण इतकं विकोपाला गेलं की त्यांच्यात हाणामारी झाली. सोफिया बिग बॉसच्या घराबाहेर आली आणि त्यानंतर तिनं अरमान कोहलीच्याविरोधात थेट न्यायालयात खटला दाखल केला. त्यामुळे पोलिसांनी थेट बिग बॉसमध्ये जाऊन अरमानला अटक केली. त्यानंतर सोफियानं अरमानला जामीन मिळण्यामागे सलमान असल्याचा आरोप केला होता.
रोहित शर्माबरोबर जोडलं गेलं नाव
सोफिया आणि रोहित शर्मा (Sofia Hayat and Rohit Sharma) यांच्यातील जवळीक खूपच चर्चेत आली होती. अभिनेत्रीनं २०१२ मध्ये मीडियासमोर तिचं रोहितबरोबर नातं असल्याचं मान्य केलं होतं. परंतु क्रिकेटपटू रोहितनं त्यावर कधीही भाष्य केलं नाही. मीडियामध्ये आलेल्या बातम्यांनुसार सोफिया ही आपली चाहती असल्याचं रोहितनं सांगितलं होतं. त्यामुळे नाराज झालेल्या सोफियानं रोहित शर्माबरोबर ब्रेकअप करत असल्याचं सांगितलं होतं. रोहितने यावर प्रतिक्रिया कधीच दिली नव्हती
अर्धनग्नावस्थेत केलेलं फोटोशूट
सोफिया सोशल मीडियावर सातत्यानं हॉट अंदाजातील फोटो शेअर करायची. तिचे फोटो सोशल मीडियावर खूपच व्हायरल व्हायचे. सोशल मीडियावर तिचे चार लाखांहून अधिक फॉलोअर्स होते. सोफियाचं युट्यूब चॅनेल देखील होतं. त्यावर सहा हजार सबस्क्रार्ब्स आहेत. सोफियानं २०१५ ला बॉलिवूडला अलविदा केलं. त्यानंतर तिनं अध्यात्माचा मार्ग स्विकारला आणि स्वतःला नन घोषित केलं. परंतु २०२० मध्ये तिनं ऊँ पोस्टरबरोबर तिचे अर्धनग्नावस्थेतील फोटो शेअर केला. या फोटोवरून गदारोळ उठला होता. सोफियानं स्वतःला नग्नदेवी असल्याचं संबोधलं होतं. यावरून तिच्या विरोधात पोलिसांत गुन्हा दाखल झाला आहे.
नवऱ्याला काढलं घराबाहेर
२०१७ मध्ये तिच्यापेक्षा दहा वर्षांनी लहान असलेल्या व्लाद स्टेनेसकाऊबरोबर लग्न केलं. अर्थात त्याचं लग्न फार काळ टिकलं नाही. त्यांच्यात अनेक वाद झाले आणि त्यानंतर ते विभक्त झाले. सोफिया हयातनं तिच्या नवऱ्यावर अनेक गंभीर आरोप केले. अभिनेत्रीनं सांगितलं की, व्लादनं तिच्याशी खोटं बोलून लग्न केलं. त्याच्यावर खूप कर्ज होतं. सोफियानं मीडियाशी बोलताना सांगितलं की, व्लादबरोबर होणाऱ्या भांडणांमुळे ती तणावात होती. त्यामुळेच तिचा गर्भपात झाला. बाळाला गमावण्याचं दुःख सोफियाला सहन झालं नाही. त्यातूनच तिनं नवऱ्याला घराबाहेर काढलं.
सध्या सोफिया काय करतेय?
सोफिया सध्या पूर्णपणे अध्यात्मिक झाली आहे. ती स्वतःला आई आणि देवी मानत आहे. सोफियानं तिच्या चाहत्यांना स्वतःला ओळखायला शिकवत आहे. अध्यात्मिक मार्गाला लागलेली असली तरी सोफिया सोशल मीडियावर तिचे अर्धनग्नावस्थेतील फोटो, व्हिडिओ शेअर करत असते. यामुळे मोठ्या प्रमाणात तिला ट्रोलिंगची शिकार व्हावे लागते आहे.