होय, शबाना रझा त्यावेळी दिल्लीत शिकत होती आणि त्यादरम्यान तिची भेट विधू विनोद चोप्रा यांच्याशी झाली. दिग्दर्शकाने तिची ‘करीब’ चित्रपटासाठी निवड केली. तोपर्यंत लोक तिला फक्त शबाना या नावानेच ओळखत होते, पण विधू विनोद चोप्रा यांनी तिला नाव बदलण्याचा सल्ला दिला आणि तिचे नाव नेहा ठेवण्यात आले.
तोपर्यंत लोक तिला शबाना या नावानेच ओळखत होते
तिच्या ‘करीब’ चित्रपटातील व्यक्तिरेखेलाही हे नाव देण्यात आले होते. पहिल्या चित्रपटापासूनच नेहाने तिच्या साधेपणाने आणि निरागसतेने प्रेक्षकांची मने जिंकली, पण बॉक्स ऑफिसवर ती फारशी कमाल दाखवू शकली नाही. यानंतर नेहाने अनेक बॉलिवूड चित्रपटांमध्ये काम केले. नेहाने ‘एहसास’, ‘राहुल’ मुस्कान, ‘कोई मेरे दिल में है’ आणि ‘प्यार की होगी जीत’ सारख्या अनेक चित्रपटांमध्ये काम केले. मात्र, बॉलिवूडमध्ये यश मिळणं तितकं सोपं नसतं हे कदाचित तिला कळून चुकलं असेल.
मनोज बाजपेयी यांनी नेहाला १९९८ मध्ये एका बॉलिवूड पार्टीत पाहिले आणि ते तिच्या प्रेमात पडले. मनोज यांनी आपल्या मुलाखतीत सांगितले होते की नेहाचा साधेपणा पाहून ते तिच्या प्रेमात पडले होते. हंसल मेहता यांनी त्यांच्या एका टीव्ही शोचे १०० एपिसोड पूर्ण झाल्याबद्दल पार्टीचे आयोजन केले होते आणि ते दोघेही येथे पोहोचले होते. नेहा मेकअपशिवाय, तेल लावलेले केस आणि डोळ्यावर चष्मा असलेली दिसली आणि मनोजची शैली तिच्याशी जुळली.
असे म्हटले जाते की नेहा तेव्हा नैराश्यासारख्या समस्येतून जात होती कारण तिचा पहिलाच चित्रपट बॉक्स ऑफिसवर जवळजवळ अपयशी ठरला होता. पार्टीनंतर दोघेही खूप बोलले आणि त्यांचा त्रास संपल्यासारखे वाटले. सुमारे आठ वर्ष एकमेकांना डेट केल्यानंतर दोघांनी २००६ मध्ये लग्न केले आणि त्यांना एक मुलगी देखील आहे.