हे वाचा-राखी सावंतने पुन्हा एकदा केलं लग्न, गळ्यात वरमाला घातलेला फोटो होतोय व्हायरल
अभिनेत्री रिंकू राजगुरूनेही या सिनेमातील गायिका श्रेया घोषालच्या आवाजातील गाणे ‘सुख कळले’वर एक सुंदर रील शेअर केले. अभिनेता रितेश देशमुखने हे रील त्याच्या इन्स्टाग्राम स्टोरीवर शेअर केले आहे. रिंकूला ज्या सिनेमाने ओळख मिळवून दिली त्या ‘सैराट’ या सिनेमाच्या संगीताची जबाबदारीही अजय-अतूल यांची होती आणि ‘वेड’चे संगीतही त्यांचेच आहे. ‘सुख कळले’ यावर्षात लोकप्रिय झालेल्या रोमँटिक गाण्यापैकी एक गाणे आहे, त्यावर रिंकूने बनवलेले रील व्हायरल झाले असून रितेशनेही ते त्याच्या इन्स्टग्रामवर शेअर केले.
रिंकूने शेअर केलेल्या रीलवर तिच्या शेकडो चाहत्यांनी अभिनेत्रीची प्रशंसा केली आहे. ‘सैराट’मधून लोकप्रिय झालेल्या रिंकूने कधी मागे वळून पाहिलेच नाही. मराठी-हिंदी चित्रपट, वेब सीरिज या सर्व ठिकाणी रिंकूचा बोलबाला पाहायला मिळाला. त्यामुळे तिने रिंकूने मोठा चाहतावर्ग कमावला आहे. तिने शेअर केलेल्या प्रत्येक पोस्टवर हजारे लाइक्स आणि कमेंट्स येत असतात. रितेशच्या गाण्यावर रिंकूने केलेले रीलही युजर्सना भावले असून त्यावर भरभरुन कमेंट्स येत आहेत.
हे वाचा-चिन्मय मांडलेकरच्या नव्या सिनेमाचा ट्रेलर प्रदर्शित, नथुरामला केले हिरोसारखे प्रोजेक्ट
दरम्यान ‘वेड’ सिनेमातील संगीताबाबत बोलायचे झाल्यास यातील ‘वेड लावलंय’, ‘सुख कळले’, ‘बेसुरी’, ‘माय वन अँड ओन्ली’ आणि ‘वेड तुझा’ ही गाणी प्रदर्शित झाली आहेत. या सिनेमातील गाणी अरमान मलिक, विशाल दादलानी, अजय गोगावले, श्रेया घोषाल अशा दिग्गज गायकांनी गायली आहेत. सोशल मीडियावर वेडमधील प्रत्येक गाणं चर्चेचा विषय ठरलं आहे. ‘वेड लावलंय’ हे सलमान खान आणि रितेश यांच्यावर चित्रित झालेलं गाणं तर विशेष लोकप्रिय झालं असून, बॉलिवूडकरांनीही या गाण्यावरचे रील्स शेअर केले आहेत. ट्विटरवरदेखील या गाण्याचा हॅशटॅग ट्रेंड झाला.