ऐश्वर्या राय
सलमान खान आणि ऐश्वर्या राय यांच्या नात्याची चर्चा आजही होते. ‘हम दिल दे चुके सनम’ सिनेमातील ही जोडी ९०च्या दशकात रिलेशनशिपमध्ये होती. संजय लीला भन्साळींच्या सिनेमाच्या सेटवर ते एकमेकांच्या प्रेमात पडले होते, पण हे नातं फार काळ टिकलं नाही. मीडिया रिपोर्टनुसार सलमानच्या रागीट स्वभावामुळे त्यांचे नाते संपुष्टात आले. ऐश्वर्याचा छळ आणि तिला शिवीगाळ केल्याचा आरोपही सलमानवर ठेण्यात आला होता. रिपोर्ट्सनुसार २००१ साली त्यांचा ब्रेकअप झाला. ऐश्वर्याने २००७ साली अभिनेता अभिषेक बच्चनशी लग्न केले.
कतरिना कैफ
कतरिना कैफ आणि सलमान खानही डेट करत होते असल्याची चर्चा होती. अनेकदा दोघे एकत्र स्पॉट झाले आहेत, सलमानच्या सिनेमातूनच कतरिनाने तिच्या बॉलिवूड करिअरला सुरुवात केली होती. मीडिया रिपोर्टनुसार अभिनेत्रीने सलमान खानसोबतचे नाते संपवले कारण ती ‘अजब प्रेम की गजब’ कहानीच्या सेटवर रणबीर कपूरच्या प्रेमात पडली होती. असे असले तरी सलमान-कतरिनामध्ये चांगली मैत्री आहे. लवकरच या दोघांचा टायगर ३ हा सिनेमा प्रदर्शित होणार आहे. दरम्यान कतरिनाने २०२१ मध्ये अभिनेता विकी कौशलशी लग्न केले.
संगीता बिजलानी
अभिनेत्री संगीता बिजलानी आणि सलमान यांच्या नात्याची विशेष चर्चा झाली कारण ते दोघे दीर्घकाळ रिलेशनशिपमध्ये होते. जवळपास एका दशकाहून अधिक काळ ते डेट करत होते आणि त्यांचे नाते लग्न करण्याच्या स्तरावरही पोहोचले होते. कॉफी विथ करणच्या एका एपिसोडमध्ये सलमान असे म्हणाला होता की, ‘संगीतासोबत तर पत्रिकाही छापल्या गेल्या होत्या.’ मीडिया रिपोर्टनुसार अभिनेत्री सोमी अलीसोबत डेट करत त्याने संगीताला धोका दिला होता. संगीता सलमानपेक्षा ६ वर्षांनी मोठी आहे.
झरीन खान
ऐश्वर्या आणि कतरिना यांच्यासोबत रिलेशनशिप आणि ब्रेकअपच्या चर्चानंतर सलमानने त्यांच्यासारख्याच दिसणाऱ्या तरुणींना बॉलिवूडमध्ये लाँच केले होते. मीडिया रिपोर्ट्समध्ये असे समोर आले होते की सलमानने या अभिनेत्री अर्थात झरीन खान आणि स्नेहा उल्लाल यांना डेट केले होते. असेही समोर आलेले सलमान आणि अभिनेत्री डेझी शाह यांच्यातही जवळीक निर्माण झालेली. या अभिनेत्री सलमान खानपेक्षा १८ ते २० वर्षांनी लहान आहेत.
युलिया वांतूर
सलमानने कधीच युलियासोबत नात्याच्या अफवांबाबत जाहीरपणे घोषणा केली नव्हती. परंतू चाहत्यांनी त्यांच्या नात्याविषयी तर्कवितर्क लावले होते. कौटुंबिक कार्यक्रमांमध्येही हे दोघे एकत्र दिसायचे, याशिवाय युलिया सलमानच्या फार्महाऊसवरही अनेकदा स्पॉट झाली आहे. सलमानच्या कुटुंबीयांसोबतही युलियाची खास मैत्री अनेकदा दिसून आली.
पूजा हेगडे
अलीकडेच सलमान खानचे नाव अभिनेत्री पूजा हेगडेसोबत जोडले गेले होते. त्यांच्या ‘किसी का भाई किसी की जान’ या आगामी सिनेमाच्या सेटवर हे दोघे एकमेकांच्या प्रेमात पडल्याचे बोलले जाते आहे. मात्र अद्याप याविषयी दोघांनीही कोणतेच भाष्य केलेले नाही. दाक्षिणात्य सिनेमात नाव कमावणारी पूजा सलमानपेक्षा जवळपास २५ वर्षांनी लहान आहे. काही दिवसांपूर्वी सलमान खानच्या एका जवळच्या मित्राने या वृत्ताचे स्पष्टपणे खंडन केले होते.