preity zinta and priyanka chopra
प्रीती आणि प्रियांका होत्या मैत्रीणी
प्रीती झिंटा आणि शाहरुख खान तेव्हा खूप चांगले मित्र होते. त्याचप्रमाणे प्रियांका चोप्राही प्रीतीची खूप चांगली मैत्रीण होती. परंतु, तेव्हा असं काहीतरी घडलं ज्यामुळे प्रीतीने एका मुलाखतीत प्रियांकाला घर तोडणारी म्हटलं होतं. प्रीतीने एका मुलाखतीत शाहरुख आणि प्रियांका यांच्या अफेअरवर उत्तर देताना हे वाक्य म्हटलं होतं. ज्यामुळे तेव्हा सगळ्यांनाच खूप आश्चर्य वाटलं होतं. ही तेव्हाची गोष्ट आहे जेव्हा बॉलिवूडमध्ये शाहरूख आणि प्रियांका यांच्या अफेअरची चर्चा होती आणि गौरी त्याला घटस्फोट देण्याच्या तयारीत होती.
शाहरुखच्या अफेअरची चर्चा
२००६ मध्ये शाहरुख खान आणि प्रियांका चोप्रा ‘डॉन’ चित्रपटात एकत्र काम करत होते. या चित्रपटानंतर दोघांनी २०११ च्या ‘डॉन २’ मध्ये काम केलं. या दोन चित्रपटांमध्ये एकत्र काम करत असताना शाहरुख आणि प्रियांका यांच्यात जवळीक वाढल्याच्या बातम्या होत्या. रिपोर्ट्सनुसार, शाहरुख आणि प्रियांकाची जवळीक एवढी वाढली होती की बघणारेही आश्चर्यचकित झाले होते. जेव्हा हे प्रकरण शाहरुखची पत्नी गौरीच्या कानापर्यंत पोहोचलं तेव्हा ती खूप अस्वस्थ झाली. तिने शाहरुखला प्रियांकासोबत काम न करण्याची ताकीद दिली.
घटस्फोट घेणार होती गौरी?
शाहरुख आणि प्रियांका यांच्यात अफेअर होतं की नाही हे कधीही सिद्ध झालं नाही. शाहरुख किंवा प्रियांका यापैकी कुणीही पुढे येऊन यावर भाष्य केलं नाही. कदाचित यामुळेच या चर्चांना हवा मिळाली. गौरी आणि शाहरुख यांच्यातील वाद वाढत होता. पण आपलं लग्न वाचवण्यासाठी गौरीने तो निर्णय घेतला, ज्याचं आज सगळेच कौतुक करतील. गौरीने शाहरुखला प्रियांकासोबत यापुढे कधीही काम न करण्याचा सल्ला दिला. त्यामुळे ‘डॉन २’ नंतर दोघांनी पुन्हा एकत्र काम केलं नाही.
नाव न घेता प्रीतीने साधलेला निशाणा
शाहरुख आणि प्रियांकाच्या या अफेअरबद्दल जेव्हा प्रिती झिंटाला प्रश्न विचारण्यात आला तेव्हा ती जे म्हणाली ते ऐकून सगळेच चकीत झाले होते. त्यांच्या अफेअरच्या चर्चांवर प्रिती म्हणाली होती, ‘अशा महिलांबद्दल माझं मत फारच वाईट आहे. ज्या इतरांची घरं तोडतात, मला अशा अभिनेत्रींचा तिरस्कार आहे. मला अशा अभिनेत्रीचा तिरस्कार आहे ज्या पुरुष कलाकारांना चिकटून बसतात आणि यश मिळवण्यासाठी त्यांचा केवळ शिडी म्हणून वापर करतात. अशा अभिनेत्री मला मुळीच आवडत नाहीत.
प्रीती आणि प्रियांका आता आहेत चांगल्या मैत्रिणी
प्रीतीच्या या वक्तव्याने त्यावेळी चांगलाच गोंधळ उडाला होता. लोक तिच्या या वाक्याने चकीत झाले होते कारण प्रीतीने प्रियांकासोबत ‘द हीरो: लव्ह स्टोरी ऑफ अ स्पाय’ या चित्रपटात काम केलं होतं. तरीही प्रीतीने अप्रत्यक्षरित्या आपल्या चांगल्या मैत्रिणीवर टीका केली होती. आज प्रीती आणि प्रियांका यांच्यात सर्व काही ठीक आहे. पण २०११ मध्ये आलेल्या ‘डॉन २’ नंतर शाहरुख आणि प्रियांका कोणत्याही चित्रपटात एकत्र दिसले नाहीत. या जोडीला पडद्यावर एकत्र पाहण्यासाठी चाहते अजूनही उत्सुक आहेत.
शाहरुखच्या एका निर्णयाने वाचला संसार
तेव्हा गौरीने शाहरुखला ताकीद दिल्याने आणि शाहरुखनेही तो ऐकल्याने त्यांचा संसार वाचू शकला. प्रीतीने त्यानंतर कधीही प्रियांकाबद्दल अपशब्द काढले नाहीत. मात्र तिच्या या उत्तराची अनेकांना अपेक्षा नव्हती. त्यामुळेच आजही प्रियांकाबद्दलच्या प्रीतीच्या उत्तराची चर्चा होत असते. तेव्हा एवढं मोठं स्टेटमेंट करणं मुळीच सोपी गोष्ट नव्हती.