‘बेशरम रंग’ या गाण्यामध्ये शाहरुख-दीपिकाची स्टिमी आणि इंटिमेट केमिस्ट्री पाहायला मिळाली. आउटफिटपासून डान्स मुव्ह्जपर्यंत सर्वकाही या गाण्यात बोल्ड आहे. विशाल-शेखर यांचे संगीत असणारं हे गाणं शिल्पा राव, कॅरालिसा मोंटेइरो आणि विशाल-शेखर यांनी गायलं आहे. वैभवी मर्चंटची कोरिओग्राफी असणाऱ्या या गाण्यात दीपिकाचा सर्वोत्तम परफॉर्मन्स पाहायला मिळाला आणि काहीच तासाच हे गाणं हिट ठरलं.
हे वाचा-लग्नानंंतर १० वर्षांनी राम चरण होणार बाबा; सुपरस्टार चिरंजीवीने शेअर केली Good News
केवळ युट्यूबच नव्हे तर इतर सोशल मीडिया प्लॅटफॉर्मवरही या गाण्याचा धुमाकुळ पाहायला मिळाला. दीपिका किती उत्तर डान्सर आहे हे तिचे चाहते ओळखून आहेत, पण शाहरुखच्याही जबरदस्त डान्स मुव्ह्ज या गाण्यात दिसल्या. शाहरुखनेही दीपिकाच्या तोडीस तोड डान्स केला आहे. वयाच्या ५७ व्या वर्षी दिसणारा शाहरुखचा हॉट अंदाज त्याच्या चाहत्यांना विशेष आवडला. युट्यूबच्या कमेंट सेक्शनमध्ये गेल्यास अंदाज येईल की शाहरुखचे कौतुक करताना चाहते थकत नाही आहे. शाहरुखने ‘पठाण’ सिनेमासाठी फिटनेसवर केलेली मेहनत आणि कमावलेले अॅब्स या गाण्यातून स्पष्ट दिसतायंत.
मोठ्या पडद्यावर कधी पाहता येणार ‘पठाण’?
शाहरुख, दीपिका आणि जॉन अब्राहम स्टारर ‘पठाण’ हा सिनेमा पुढील वर्षी प्रदर्शित होतोय. २५ जानेवारी रोजी सिनेमागृहांमध्ये हा सिनेमा पाहता येईल. शाहरुखला मोठ्या स्क्रिनवर पाहण्यासाठी चाहते विशेष उत्सुक आहेत. याचे महत्त्वाचे कारण म्हणजे किंग खान ४ वर्षांनी बॉलिवूड सिनेमात कमबॅक करतोय. याआधी तो शेवटचे २०१८ साली ‘झिरो’ या सिनेमात दिसला होता. मात्र या सिनेमानेही बॉक्स ऑफिसवर विशेष कमाल केली नव्हती. त्यामुळे शाहरुख आणि त्याच्या टीमला ‘पठाण’कडून विशेष अपेक्षा आहेत. दरम्यान पुढील वर्षी शाहरुखच्या चाहत्यांसाठी पर्वणी असणार आहे. ‘पठाण’ पाठोपाठ त्याचे ‘डंकी’, ‘जवान’ हे चित्रपट रांगेत आहेत.