कंगना गेली काही वर्ष नव्या वर्षाच्या पहिल्या दिवशी मंदिरात जाऊन देवाचं दर्शन घेते. मागील वर्षीही ती नवीन वर्षाच्या पहिल्या दिवशी तिरुपती बालाजी देवस्थानाला गेली होती. या वर्षीही तिने पहिल्या दिवसाचा फोटो शेअर करत चाहत्यांची मनं जिंकली आहेत. तिने वर्षाच्या पहिल्या दिवशी एका मंदिरात हजेरी लावली. तिने लाल रंगाचा सलवार सूट परिधान केला आहे. कपाळावर टीका असून तिच्या समोर प्रसादाची थाळी आहे. त्यात देवाला अर्पण करायचा नारळ, हार दिवस आहेत. तिच्या हातात देवाला वाहण्यासाठी पानंही आहेत. ती नेमकी कोणत्या देवळात गेली आहे हे तिने स्पष्ट केलेलं नाही. मात्र हा फोटो स्टोरीवर शेअर करत तिने सगळ्यांना नवीन वर्षाच्या शुभेच्छा दिल्या आहेत. तिचा हा फोटो आता सोशल मीडियावर व्हायरल झाला आहे. यासाठी अनेक नेटकरी तिचं कौतुक करत आहेत.
कंगनाच्या कामाबद्दल सांगायचं तर ती यापूर्वी ‘धाकड’ चित्रपटात दिसली होती. मात्र तिचा हा चित्रपट बॉक्स ऑफिसवर फार कमाल करू शकला नाही. यानंतर ती ‘इमर्जन्सी’ या चित्रपटात दिसणार आहे. ती या चित्रपटात भारताच्या महिला पंतप्रधान इंदिरा गांधी यांची भूमिका साकारत आहे. ती या भूमिकेसाठी बरीच मेहनत घेताना दिसतेय. हा चित्रपट पाहण्यासाठी प्रेक्षकही उत्सुक आहेत.