आलियानं अजूनही तिच्या लेकीचा म्हणजेच राहाचा फोटो चाहत्यांसोबत शेअर केला नाही. पण चाहत्यांना तिच्या लेकीचा फोटो पाहण्याची इतकी उत्सुकता आहे की, काही नेटकऱ्यांनी कहरच केला आहे. फोटोशॉपचा आधार घेत अनेक फेक फोटो सध्या व्हायरल होत आहेत. आलिया-रणबीरची लेक असल्याचं सांगत अनेक फोटो शेअर होताना दिसत आहेत. इतकंच नाही तर काही नेटकऱ्यांनी आलियाचा फोटो फोटोशॉपमध्ये एडिट करत व्हायरल केलाय.
व्हायरल झालेल्या या फोटोत आलिया स्तनपान करताना दिसतेय. लाल रंगाच्या सिल्क साडीत आलिया चिमुकलीला स्तनपान करत असल्याचा हा फोटो सोशल मीडियावर प्रचंड व्हायरल झाला. पण हा फोटो फेक असल्याचं सर्वांच्याच लक्षात आलं. आलियाच्या डोहाळ जेवणाचा एक फोटो व्हायरल झाला होता.त्याच फोटोशी छेडछाड करत नेटकऱ्यांनी आलियाचा हा फेक फोटो बनवलाय. या फोटोत दिसणाऱ्या महिलेचा फोटो बेबी सेंटर डॉट इन च्या वेब साइटवर अपलोड करण्यात आला होता. दोन्ही फोटोंना एकत्र एडिट करत आलियाचा हा फेक फोटो तयार करण्यात आला.
आलियानं या फेक फोटोवर अद्याप कोणतीही प्रतिक्रिया दिली नसती तरी, तिच्या चाहत्यांचा पारा मात्र चढला आहे. तिच्या चाहत्यांनी हे फेक फोटो शेअर करणाऱ्यांना चांगलंच सुनावलं आहे.
दरम्यान, आलियाच्या कामाबद्दल बोलायचं झालं तर, यावर्षी तिनं एसएस राजामौली यांच्या ‘आरआरआर’ या चित्रपटातून दाक्षिणात्य सिनेसृष्टीत पदार्पण केलं. ‘हार्ट ऑफ स्टोन’ या सिनेमाच्या माध्यमातून ती हॉलिवूडमध्येही दिसणार आहे. एका मुलाखतीतल तिनं सांगितलंय की, ‘मी शक्य तेवढे नवनवीन प्रयोग करून बघणार आहे. मला नेहमीच आव्हानात्मक भूमिका करायला आवडतात. एका नव्या इंडस्ट्रीत काम करण्याची माझी आधीपासून इच्छा होती. मला जपानी भाषा शिकून जपानी चित्रपट करण्याचीही खूप इच्छा आहे.’
आलिया नुकतीच आई झाली आहे. त्यामुळं तिनं कामातून काही महिन्यांचा ब्रेक घेतला आहे. पण या विश्रांतीनंतर आलिया करण जोहर दिग्दर्शित ‘रॉकी और रानी की प्रेम कहानी’ या सिनेमाचं चित्रीकरण पूर्ण करणार आहे.