काय म्हणाल्या रत्ना पाठक
सिद्धार्थ कननला दिलेल्या मुलाखतीमध्ये रत्ना पाठक यांनी सांगितलं की,’आजच्या काळात जर कुणी तुमच्यासमोर येऊन उभं राहिलं आणि तुमच्या घरावर दगड फेकून मारले तर तुम्ही काय कराल. त्यामुळे मी नसीर यांना अनेकदा कोणत्याही घटनेवर मत व्यक्त करण्यापासून थांबवते. आता आमच्यासारख्या वयोवृद्ध झालेल्या अभिनेत्यांना काम मिळणं बंद झालं आहे. मिळालं तरी मोठ्या मुश्किलीन काम मिळतं. त्यामागे अनेक कारणं असू शकतात. आम्हाल फक्त चांगल्या पद्धतीनं जगायचं आहे. घाबरून जगायचं नाही. परंतु जेव्हा नसीर एखाद्या विषयावर त्याचं मत व्यक्त करतात तेव्हा मात्र आम्हाला भीती वाटते.’
चुकीच्या गोष्टी सुधारण्याचा ठेका…
रत्ना यांनी मुलाखतीमध्ये पुढं सांगितलं की, ‘जगात अनेक गोष्टी चुकीच्या होत असतात. आपण सांगितलं नाही तर त्या गोष्टी सुधारत नाहीत. परंतु प्रत्येक चुकीची गोष्ट सुधारण्याची जबाबादरी आम्ही घेतलेली नाही ना… आतापर्यंत आयुष्य सुरू आहे. आता जे पुढे होईल ते बघू असं म्हणत आयुष्य जगत आहोत.’
रत्ना पाठक यांच्या कामाबद्दल सांगायचं तर त्या लवकरच गुजराती सिनेमांत दिसणार आहेत. विरल शाह याच्या ‘कच एक्स्प्रेस’ सिनेमात त्या प्रमुख भूमिका साकारत आहेत. तर नसीरुद्दीन शाह लवकरच अर्जुन कपूर आणि तब्बू यांच्या ‘कु्त्ते’ सिनेमात दिसणार आहेत. या सिनेमांत कोंकणा सेन शर्मा, राधिका मदान, कुमुद मिश्रा, शार्दुल भारद्वाजदेखील आहेत. अर्जुन सध्या या सिनेमाचं जोरदार प्रमोशन करत आहे. तर काही दिवसांपूर्वी तब्बू आणि अर्जुन कपूर कुत्र्याच्या एका छोट्या पिल्लाबरोबर खेळताना दिसला होता. त्याचा हा व्हिडिओ सोशल मीडियावर खूप व्हायरल झाला होता.