५ जानेवारी १९७३ रोजी मुंबईत जन्मलेला उदय चोप्रा हा बॉलिवूडचे दिग्गज दिग्दर्शक यश चोप्रा यांचा मुलगा. मुंबईतील त्याच्या सुरुवातीच्या शिक्षणानंतर, तो लॉस अँजेलिसमध्ये पुढील शिक्षणासाठी गेला. तिने उदयने कॅलिफोर्निया विद्यापीठात प्रवेश घेतला. तिथून ग्रॅज्युएशन पूर्ण केल्यानंतर तो परत मुंबईत आला आणि सिनेसृष्टीत करिअर करण्याचा निर्णय घेतला. उदयने वडिलांच्या सिनेमांत (लम्हें, परंपरा, डर) सहाय्यक दिग्दर्शक म्हणून आपल्या कारकिर्दीची सुरुवात केली.
यशराज फिल्म्सचे मालक आणि व्यवस्थापक
उदय चोप्रा कदाचित मुख्य अभिनेता म्हणून पडद्यावर दिसला नसेल, पण तो सिनेसृष्टीतील यशस्वी लोकांपैकी एक आहे. अभिनेता, दिग्दर्शक आणि निर्माता असण्यासोबतच उदय अनेक वेगवेगळ्या व्यवसायांचाही एक भाग आहे. तो भाऊ आदित्य चोप्रासोबत YRF एण्टरटेनमेन्ट आणि यशराज फिल्म्सचा मालक आणि व्यवस्थापकदेखील आहे.
उदय एका कॉमिक बुक कंपनीचा मालकही आहे
याशिवाय, उदय एका कॉमिक बुक कंपनीचा (Yomics World) मालक आहे, जी यशराज फिल्म्स स्टुडिओचा एक भाग आहे. हे कॉमिक्स प्रिंट आणि डिजिटल प्लॅटफॉर्मवर उपलब्ध आहे. त्याचे वडील यशराज यांच्या प्रसिद्ध चित्रपटांची ही कॉमिक निर्मिती आहे जी सर्व वयोगटातील लोकांसाठी आहे. उदय चोप्राने जुलै २०१२ मध्ये मुंबईत योमिक्स वर्ल्डचे उद्घाटन केले होते.
हॉलिवूडमध्ये आजमावला हात
उदयने केवळ बॉलिवूडच नाही तर हॉलिवूडमध्येही हात आजमावला आहे. त्याने ग्रेस ऑफ मोनॅको आणि द लाँगेस्ट वीक या दोन हॉलिवूड सिनेमांची निर्मिती केली. रिपोर्टनुसार, उदयच्या एकूण उत्पन्नाबद्दल बोलायचं झालं तर ती जवळपास ५० लाख डॉलर्स (सुमारे ४१ कोटी ३५ लाख ५० हजार) असल्याचे सांगितले जाते.
उदयला ओळखणेही झालेले कठीण
काही वर्षांपूर्वी उदय नर्गिस फाखरीसोबत रिलेशनशिपमध्ये आहे. त्यांच्या लग्नाच्या बातम्याही येऊ लागल्या होत्या, पण तसे काही झाले नाही. दरम्यान, काही दिवसांपूर्वी उदय चोप्रा मुंबई विमानतळावर दिसला होता. जेव्हा त्याचा फोटो समोर आला तेव्हा लोकांना आश्चर्य वाटलं होतं कारण त्याला ओळखताही येत नव्हतं. तो पूर्वीपेक्षा खूप वेगळा आणि जाड दिसत होता.